ISA ang Kamoteng Kahoy sa Sine Direk Series mula sa Directors Guild of the Philippines, Inc. (DGPI), produced ng APT Productions ni Mr. Tony Tuviera, with supervising producer Ms. Malou Choa-Fagar na itinanghal noong nakaraang taon.

Ginanap ang premiere night nito noong June 2009 sa Cine Adarna ng UP Film Institute sa University of the Philippines (Diliman).

Mula sa award-winning director na si Maryo J. Delos Reyes at equally multi-awarded screenwriter na si Ricky Lee, ang Kamoteng Kahoy ay istorya ng friendship at ang pag-transform ng mga tao sa isang bayan pagkatapos ng isang trahedya.

Inspired ito ng pagkakalason ng 27 school children sa Bohol na sa isang recess nila sa school, kumain sila ng kamoteng kahoy (o “maruya”) na sinasabing naging poisonous dahil isang insecticide ang aksidenteng naihalo sa pagluluto nito.

Bida ng pelikula ang dalawang popular child actors na sina Nash Aguas and Robert “Buboy” Villar, with veteran actress Ms. Gloria Romero na gumaganap bilang ang Lola na siyang responsable sa pagkamatay ng mga bata.

Sa kanyang welcome remarks, sinabi ni Direk Maryo (himself a Boholian),  may personal attachment sa kanya ang Kamoteng Kahoy dahil ito’y kanyang “brain child” umano, with constant communication with Ricky Lee, magmula nu’ng naganap ang nasabing insidente sa Bohol noong 2005.

Present sa premiere night sina Nash, Buboy, at iba pang nasa cast na sina Ana Capri, Sharlene San Pedro, child actor Julio Pisk, Meryll Soriano, Anton Bernardo, Marissa Sanchez, Gerald Madrid (who still has that fine screen presence), and Manila Councilor Yul Servo.

Sumuporta rin ang ibag pang DGPI officers tulad nina Directors Joel Lamangan and Soxie Topacio, who also had their Fushia and Ded Na Si Lolo, respectively, shown during the Sine Direk series sa mga sinehan last year. Rated “A” ang nasabing pelikula, mula sa Film Ratings Board.